محه‌مه‌د فایدی میسڕی و سه‌رۆكی یانه‌ی فوڵهام به‌شێوه‌یه‌كی ره‌سمی كلیله‌كانی یانه‌كه‌ی راده‌ستی شاهید خانی ملیاردێری ئەمریکی و بەرەگەز پاکستانی كرد، ئه‌ویش دوای گه‌شتێكی 16 ساڵه‌ له‌گه‌ڵ ئه‌و یانه‌ له‌نده‌نیه‌.

یانه‌ی فوڵهام پێش هاتنی فاید ناوبانگێكی ئه‌و تۆی نه‌بوو له‌پله‌كانی خوار پریمه‌ر لیگ یاریی ده‌كرد، دواتر گه‌شه‌ی زۆری به‌خۆیه‌وه‌ بینی و توانی بگاته‌ یاریی كۆتایی خولی ئه‌وروپا، شاهیدی سه‌رۆكی نوێش هه‌وڵده‌دات به‌هه‌مان رێچكه‌ی محه‌مه‌د فاید دا بڕوات.

محه‌مه‌د فاید جگه‌ له‌یانه‌ی فوڵهام خاوه‌نی ماركێتی هارۆدزی به‌ناوبانگ بوو له‌ئینگلته‌را، هه‌روه‌ها باوكی دۆدی فایده‌ كه‌خۆشه‌ویستی شازاده‌ دیانای به‌ریتانیا بوو هه‌ردووكیان له‌ 31 ی ئۆگه‌ستی 1997 و پێكه‌وه‌ له‌فه‌ڕه‌نسا گیانیان له‌ده‌ستدا.


خه‌ندان