له‌تۆڕه‌ كۆمه‌ڵایه‌تیه‌كاندا چاوپێكه‌وتنێكی خۆزیه‌ مۆرینهۆ بڵاوبۆته‌ كه‌ساڵی 2000 له‌گه‌ڵ رۆژنامه‌یه‌كی كه‌ته‌لۆنیدا ئه‌نجامدراوه‌، مۆرینهۆ له‌چاوپێكه‌وتنه‌كه‌دا به‌ڵێنی داوه‌ ته‌نها له‌یه‌ك باردا ده‌بێته‌ راهێنه‌ری ریاڵ مه‌درید ئه‌ویش بۆ روخاندنی.

ئه‌و كاته‌ی مۆرینهۆ چاوپێكه‌وتنه‌كه‌ی ئه‌نجامداوه‌ یاریده‌ده‌ری لویس ڤان گالی راهێنه‌ری به‌رشلۆنه‌ بووه‌، له‌وه‌ڵامی پرسیارێكدا كه‌ئایا ده‌بێته‌ راهێنه‌ری ریاڵ مه‌درید، مۆرینهۆ ده‌ڵێت: من هه‌میشه‌ هانده‌ری به‌رشلۆنه‌ ده‌بم و له‌یه‌ك كاتدا ده‌بمه‌ راهێنه‌ری ریاڵ مه‌درید ئه‌ویش به‌ئامانجی رووخاندنی ئه‌و یانه‌یه‌.

مۆرینهۆ هه‌ر دوای رۆشتنی له‌به‌رشلۆنه‌ كه‌وته‌ دژایه‌تی كردنی یانه‌ كه‌ته‌لۆنیه‌كه‌ و له‌به‌ڵێنه‌كه‌ی په‌شیمان بۆوه‌، چووبێته‌ هه‌ر یانه‌یه‌ك به‌ئاشكرا دژایه‌تی كردووه‌ به‌تایبه‌ت كاتێك راهێنه‌ری چێڵسی و ئینته‌ر میلان و ریاڵ مه‌دریدبووه‌.

بۆ وه‌ڵامدانه‌وه‌ی ئه‌و پرسیاره‌ی كه‌ئایا مۆرینهۆ به‌ڵێنه‌كه‌ی به‌جێهێناوه‌ و رۆڵی بینیوه‌ له‌وێرانكردنی یانه‌ی ریاڵ مه‌درید، خوێنه‌رانی خه‌ندان ده‌توانن بۆچوونی خۆیان ده‌رببڕن له‌و باره‌یه‌وه‌.



خه‌ندان