جۆزێ مۆرینۆی پرتوگالی و ڕاهێنەری پێشووی یانەی ریاڵ مەدریدی ئیسپانی ڕایدەگەیەنێت ڕوودەکاتەوە یانەی چێڵسی ئینگلیزی چونکە دڵخۆشە لەو یانەیەدا.

بڕیارە لەم هەفتەیەدا گفتوگۆکانی نێوان ڕۆمان ئەبرامۆڤیچی ملیادێری ڕوسی و مۆرینۆ کۆتایپێبێت و مۆرینۆ بکرێتە خاوەنی زۆرترین موچەی جیهان لە نێوان ڕاهێنەراندا.

هەروەها لە چاوپێکەوتنێکیدا لە پرۆگرامی "پینتۆ پیلۆتا" ، پێش یاری ئۆساسۆنە لە هەفتەی کۆتایی لالیگادا ، مۆرینۆ دەڵێت : ناتوانم لە ئێتادا بە سیفەتی ڕاهێنەری چێڵسی قسە بکەم ، لە ئێستادا ڕاهێنەری چێڵسی نیم ، بەڵام دەمبە ڕاهێنەر گەر گەیشتینە ڕیکەوتن.

مۆرینۆ ئەمڕۆ گەیشتە لەندەن و بڕیاریشە لە کۆتایی ئەم هەفتەیەدا وەک ڕاهێنەری ڕەسمی چێڵسی بناسێنرێت.



خەندان