یانه‌ی فیۆرێنتینای ئیتاڵی به‌ڕه‌سمی گرێبه‌ستی له‌گه‌ڵ ماركۆس ئه‌لۆنسۆی به‌رگریكاری یانه‌ی بۆڵتۆنی ئینگلیزی ئیمزاكرد.

ئه‌لۆنسۆی ته‌مه‌ن 22 ساڵ گرێبه‌ستێكی بۆ ماوه‌ی سێ وه‌رز له‌گه‌ڵ یانه‌ی فیۆرێنتینا ئیمزاكرد كه‌ئه‌و یانه‌یه‌ ئیتاڵیه‌ له‌ئێستاوه‌ خۆی ئاماده‌ده‌كات بۆ به‌شداریی كردن خولی ئه‌وروپا (یۆرۆ لیگ) له‌وه‌رزی داهاتوودا.

ئه‌لۆنسۆ له‌دایكبووی شاری مه‌دریدی پایته‌ختی ئیسپانیایه‌ و له‌ئه‌كادیمای ریاڵ مه‌دریده‌وه‌ ده‌ستی به‌یاریی كردووه‌، له‌سه‌رده‌ستی خۆزیه‌ مۆرینهۆی راهێنه‌ر بۆ تیپی یه‌كه‌می ریاڵ مه‌درید بانگهێشتكرا و دواتر رویكرده‌ یانه‌ی بۆڵتۆن، له‌گه‌ڵ ئه‌و یانه‌ ئینگلیزیه‌ 26 یاریی ئه‌نجامدا و 4 گۆڵی تۆماركرد.



خه‌ندان