فلۆرێنتینۆ پێرێزی سه‌رۆكی یانه‌ی ریاڵ مه‌درید به‌شێوه‌یه‌كی ره‌سمی هه‌واڵی ده‌ستبه‌كاربوونی زه‌ینه‌دین زێدانی فه‌ره‌نسی وه‌ك به‌ڕێوه‌به‌ری تۆپی پێی یانه‌كه‌یان راگه‌یاند.

له‌لێدوانێكیدا بۆ رادیۆی كادێنا سێری ئیسپانی پێرێز رایگه‌یاند: تا ئێستا راهێنه‌ری نوێی یانه‌كه‌مان ده‌ستنیشان نه‌كردووه‌ به‌ڵام به‌شێوه‌یه‌كی ره‌سمی ئه‌ركی به‌ڕێوه‌به‌ری تۆپی پێی یانه‌كه‌مان به‌ زه‌ینه‌دین زێدانی فه‌ره‌نسی سپارد.

هه‌روه‌ها پێرێز رایگه‌یاند: له‌مه‌ودوا زێدان سه‌په‌رشتی پرۆژه‌ی نوێی ریاڵ مه‌درید ده‌كات له‌تۆپی پێدا و هه‌فته‌ی داهاتوو بابه‌تی راهێنه‌ری داهاتووش یه‌كلایی ده‌كه‌ینه‌وه‌.

زێدان له‌نێوان ساڵانی 2001 بۆ 2006 له‌یانه‌ی ریاڵ مه‌درید یاریی كردووه‌ و نازناوی خولی یانه‌ پاڵه‌وانه‌كانی له‌گه‌ڵ ئه‌و یانه‌یه‌ به‌ده‌ستهێناوه‌ و هه‌ر له‌و یانه‌یه‌ش ماڵئاوایی له‌تۆپی پێ كرد، دواتریش زێدان گه‌ڕایه‌وه‌ بۆ وه‌رگرتنی پۆستی راوێژكاری فلۆرێنتینۆ پێرێزی سه‌رۆكی یانه‌كه‌.



خه‌ندان