له‌ میانه‌ی جه‌وله‌ی یه‌كه‌می پاڵه‌وانێـتی فه‌ڕه‌نسای كراوه‌دا كه‌ به‌ ڕۆلاند گارۆس ناسراوه‌ هه‌ردوو یاریزان گیڵس سیمۆن و لیتۆن هیوت به‌یه‌ك گه‌یشتن له‌ سه‌ره‌تای یارییه‌كه‌دا لیتۆنی ئوسترالی ئاستێكی به‌رزی پێشكه‌ش كرد دوای ئه‌وه‌ی هه‌ردوو كۆمه‌ڵه‌ی یه‌كه‌م و دووه‌می به‌ ئه‌نجامی 6-3 ، 6-1 برده‌وه‌ .

گیڵس سیمۆن
گیڵس سیمۆن

به‌ڵام هیوا و ئومێدی سیمۆنی فه‌ڕه‌نسی نه‌بڕا و دوو كۆمه‌ڵه‌ی دواتری له‌ به‌رژه‌وه‌ندی خۆی كۆتایی پێهێنا به‌ ئه‌نجامی 6-4 ، 6-1 یارییه‌كه‌ی هاوسه‌نگ كرده‌وه‌ به‌ دوو كۆمه‌ڵه‌ بۆ هه‌ردوو لا .

كۆمه‌ڵه‌ی كۆتاییش كه‌ كۆمه‌ڵه‌ی یه‌كلاكه‌ره‌وه‌ بوو سه‌ره‌تا سیمۆن به‌ 5 خاڵ پێشكه‌وت به‌ڵام به‌هه‌مان شێوه‌ دووباره‌ ئه‌نجامه‌كه‌ یه‌كسان بوویه‌وه‌ دوای ئه‌وه‌ی لیتۆن هیوت 5 خاڵی له‌سه‌ر یه‌ك گرته‌وه‌ و پاشان یارییه‌كه‌ بووبه‌ حه‌وت خاڵیی و كۆمه‌ڵه‌ی شه‌شه‌م و حه‌وته‌م له‌به‌رژه‌وه‌ندی سیمۆن كۆتاییان هات و به‌م ئه‌نجامه‌ سیمۆن گه‌یشته‌ قۆناغی داهاتووی پێشبڕكێكه‌ .