باوکی مەسعود ئۆزێلی یاریزانی هێڵی ناوەڕاستی یانەی ریاڵ مەدرید ڕایدەگەیەنێت کوڕەکەی دڵخۆشە لە یانەکەی و هیچ نیازێکی نیە لە کۆتایی ئەم وەرزەدا ریاڵ مەدرید جێبهێڵیت.

پێشبینی دەکرێت چەند یاریزانێک یانەی شاهانە جێبهێڵن لە هاویندای داهاتوودا و ئەوانیش وەک دی ماریا و کوێنتراو و پیپی و چەند یاریزانێکی دیکە.

مصتەفا ئۆزیل ، باوکی مەسعود ئۆزێل ، لە لێدوانێکیدا بۆ ڕۆژنامەی مارکای مەدریدی جگە لەوەی سوپاسی مۆرینۆ دەکات کە هەلێکی گەورەی بە کوڕەکەی داوە بۆ ئەوەی ئەو ئاستە بەرزەی بۆ هەموو جیهان نیشانبدات ، هەروەها مانەوەشی لە یانەی ریاڵ مەدرید ڕادەگەیەنێت بۆ چەند وەزێکی دیکە.

هەروەها باوکی ڕاشیدەگەیەنێت، کوڕەکەی لەلای هاندەرانی ریاڵ مەدرید خۆشەویستە و ئەمەش وایکردووە بەردەوام بێت لەگەڵ یانەکەی.



خەندان-