ئەمشەو لە یەکەم یاری قۆناغی چوارگۆشەی زێڕینی خولی پاڵەوانەکان یانەی بایەرن میونشن میوانداری یانەی بەرشلۆنەی کرد.

بایەرن لەدواین پێنج یاری خۆیدا ٢٠ گۆڵی تۆمارکردووە و وەک گورگێکی هار گشت بەرامبەرەکانی ڕاماڵیوە، ئەمشەویش بەرشلۆنەی پاڵەوانەکەی کاتالۆنیا و ئیسپانیا نێچیرێکی دیکەی دێوەکەی ئەڵمانیا بوو.

لە ماوەی ٣٠ خولەکدا ناوبژیوان سێ داواکاری بایەرن میونشنی ڕەتکردەوە بۆ لێدانی سزا بەڵام پاداشتی داناوە بە سێ گۆڵ کە گومانی فاوڵ و ئۆفسایدیان لیدەکرا . سەرەتا تۆماس مولەر بە لێدانی سەر لە خولەکی ٢٥ گۆڵی یەکەمی تۆمارکرد دواتر ماریۆ گۆمێز لە ٤٩ دووەمی هێنا ، پاشان ڕۆبن و مولەر دوو گۆڵی دیکەیان تۆمارکرد و ئەرکی بلوگرانایان لە مەحاڵ نزیککردەوە.