هەڵبژاردەی گۆڕەپان ومەیدانی هەولێر خەڵات كرا، لە ئایندەیەكی نزیكدا هۆلێكی مۆدرێن بۆشاری هەولێر دروست دەكرێت

كارزان كانەبی

بەمەبەستی رێزگرتن لەتواناكانیان و گرنگی دانی زیاتر بە قوتابیە وەرزشكارەكان، دوای ئەوەی هەڵبژاردەی گۆڕەپان ومەیدانی هەولێر لە نێو 10هەڵبژاردەی پەروەردەی قەزاكانی سەر بە بەرێوەبەرایەتی گشتی پەروەردەی هەولێرتوانی نازناوی پاڵەوانیتیەكە بۆخۆی بەدەست بهێنێت، لە بەرامبەر ئەم دەستەكەوتە گەورەش بۆ شاری هەولێر، بەكر كەریم حەسەن بەرێوەبەری گشتی پەروەردەی هەولێر، لەدیوانی بەرێوەبەرایەتی گشتی پەروەردەی هەولێر پێشوازی كرد لە یاریزانە بەتواناكانی هەڵبژاردەی هەولێر كە رۆلێكی كاریگەریان هەبووە لە بەدەست هێنانی ئەنجامی شایستە لە پاڵەوانێتی گۆرەپان ومەیدانی پەروەردەكان، لە دیدرایشكدا بەرێوەبەری گشتی رۆڵی ئەم قوتابیە وەرزشكارانەی بەرز نرخاند لە بەدەست هێنانی ئەنجامی شایستە و گوتیشی دەست خۆشی لە خانەوادەی ئەم قوتابیە بەرێزانە دەكەین كە لە قوتابخانەكاندا گرنگی زۆر بە وانەكانی وەرزشی دەدەن و بەشداری گشت چالاكیە وەرزشیەكان دەكەن، توانویانە لەگەل یانەكانیانیش ئەنجامی شایستە بەدەست بهێنین، ئێمەش بەردەوام دەبین لە خزمەت كردنیان و دەرگای پەروەردەی گشتی لەسەر پشتە بۆخزمەت كردن و داواكردنی هەر داواكارییەكی بۆخزمەت كردنی وانەی وەرزشی لە نێو