بۆ یادى 115 ساڵه‌ى رۆژنامه‌گه‌ریی كوردی و به‌چاودێرى د.كاوه‌ مه‌حمود وه‌زیرى رۆشنبیریی و لاوان، كاتژمێر 10ى به‌یانی تا 2ى پاشنیوه‌ڕۆى رۆژانی 21و22ى نیسانى 2013 هۆڵی میدیا له‌هه‌ولێر، یه‌كه‌م پێشانگاى تایبه‌ت به‌بڵاوكراوه‌ وه‌رزشییه‌كان به‌دروشمی له‌ (كاروانی وه‌رزش-ه‌وه‌ بۆ له‌ش جوانی) له‌ئامێزده‌گرێت.
پێشانگاكه‌ له‌كۆكردنه‌وه‌ و ئاماده‌كردنی رۆژنامه‌نووس و نووسه‌رى وه‌رزشی سه‌نگه‌ر زرار-ه‌ و پیشاندانی مێژووى رۆژنامه‌گه‌ریی وه‌رزشییه‌ له‌كوردستانی عیراق و 112 ناونیشانی له‌خۆگرتووه‌ و به‌ڕێوه‌به‌رایه‌تی گشتی راگه‌یاندن و چاپ و بڵاوكردنه‌وه‌ى وه‌زاره‌تی رۆشنبیری و لاوانی حكومه‌تی هه‌رێم/ به‌ڕێوه‌به‌رایه‌تی راگه‌یاندنی هه‌ولێر به‌هه‌ماهه‌نگی به‌شى راگه‌یاندنی په‌یمانگاى ته‌كنیكی هه‌ولێر و لقی هه‌ولێرى سه‌ندیكاى رۆژنامه‌نووسانی كوردستان و كۆمه‌ڵه‌ى وێنه‌گرانی كوردستان-ده‌سته‌ى باڵا پڕۆژه‌كه‌ى له‌ئه‌ستۆگرتووه‌