ڕۆژنامەی مارکای ئیسپانی ئاشکرای کردووە کە یانەی بەرشلۆنە چەندین کۆبوونەوەو گفتوگۆیان ئەنجامداوە بە بەشداری خۆردی رۆرای یاریدەدەر و ڤیلانۆڤای ڕاهێنەر و زوبیزاریتای بەڕێوەبەری وەرزشی و ساندرۆ ڕۆسیلی سەرۆکی یانەکە بە مەبەستی دانانی پلانێک بۆ ئەوەی لە گواستنەوەی یاریزانەی هاوینی داهاتوودا چەند گڕیبەستێک ئەنجامبدەن و لە وەرزی نوێدا بەردەوامبن لە سەرکەوتنەکانیان.

ڕۆژنامەی مارکا نوسیویەتی " یانەی بەرشلۆنە لە 33 یاریزانی ئێستایەوە دەستدەکات بە کەمکردنەوە بۆ 23 یاریزان ، ئەمەش واتای دەستبەرداری چەند یاریزانیکی دەبێت وەک سانشێز و ڤاڵدێس و ئەفێلای و فۆنتاس و کوینکا.

هەروەها چەند یاریزانێکی لاو لە تیپی دووەمەوە دەهێنێت بۆ تیپی یەکەمی کە سودی زۆریان بۆ یانەکە دەبێت وەک ئۆویر و ڕافینیا و دیلۆفۆ و سێرجیۆ ڕۆبێرتۆ.

هەروەها ڕۆژنامەکە ڕایگەیاندووە کە بفرۆشتنی چەند یاریزانێک و هەروەها هەبوونی 50 ملیۆن یۆرۆ لە خەزیندا دەتوانن سێ یاریزان کە ئامانجیانە بهێننە یانەی بەرشلۆنەوە ئەوانیش نیمار دا سیلڤای هێرشبەری سانتۆس و هاڵمزی بوروسیا دۆرتمۆند و گوایتای گۆڵچی یانەی ڤالینسیا.

نرخی نیمار لە نێوان 40 ملیۆن یۆرۆدایە و هاڵمز 20 بۆ 25 یۆرۆ و گوایتاش 10 ملیۆن یۆرۆ.






خەندان