پاش ئەوەی تیروپشکی خولی یانە پاڵەوانەکان بۆ قۆناغی نیوەی کۆتایی ئەنجامدرا ، لە یەکێک لە یارییە بەهێزەکاندا یانەی بایرن میونخی ئەڵمانی ڕووبەڕوی یانەی بەرشلۆنەی ئیسپانی دەبێتەوە.

پاش ئەنجامدانی تیروپشکەکە و لە کۆنگرەیەکی ڕۆژنامەوانیدا " هوب هاینکس" ڕاهێنەری یانەی بایرن میونخی ئەڵمانی لە وەڵامی پرسیارێکدا کە ئایا بۆ ڕووبەڕوبونەوەی بەرشلۆنە داوا لە گواردیۆلا دەکەی لە زانیاریت باتێ لەسەر یانەی بەرشلۆنە ؟ لە وەڵامدا هاینکس بە توڕەییەوە دەڵێت ئەوە کارێکی شەرمەزارییە.

هاینکس وتیشی " ڕێز لە گواردیۆلا دەگرم و ڕێز لە کارەکەشم دەگرم ، من یارمەتی کەسم ناوێت و تەنها کاری خۆم دەکەم.

جێگای باسە لە کۆتایی ئەم وەرزەدا یوب هاینکس دەست لە پۆستی ڕاهێنەرایەتی یانەی بایرن میونخ هەڵدەگرێت و پیپ گواردیۆلای ڕاهێنەری پێشووی یانەی بەرشلۆنە شوێنی دەگرێتەوە.



خەندان