دوای ئەوەی زیاتر لە دوو ساڵ یاریزانی هەڵبژاردەی عێراق هاوار مەلا محەمەد بەهۆی بوونی كێشە لەگەڵ یانەی زوب ئاهانی ئێرانی لە یاریكردن دوورخرایەوە لە رێگەی بەرێوەبەری كارەكانی یاریزانی ناوبراو داوایەكی لە یەكێتی تۆپی پێ نێودەوڵەتی بەرزكردەوە بەمەبەستی چارەسكردنی كێشەكەی.
لە لێدوانێكی تایبەت بۆ ماڵپەری یانەی هەولێر هاوار مەلا محەمەد گوتی: سوپاس بۆ خوا كێشەی من لەگەڵ یانەی زوب ئاهانی ئێرانی چارەسەركرا لە رێگەی (FIFA) و ئێستا بەفەرمی بوومە یاریزانی یانەی هەولێر و هەست بە خۆشیەكی زۆر دەكەم، كە جارێكی تر دەتوانم بگەرێمەوە نێو یاریگا بۆ ئەوەی یاری بكەم.

جێگەی باسە یاریزان هاوار مەلا محەمەد بەفەرمی گرێبەستی لەگەڵ یانەی هەولێر مۆركردووە و لەگەڵ وەرگرتنەوەی دەستبەرداربوونی دەتوانێت لەگەڵ یانەی هەولێر تەنیا لە خولی عێراق یاری بكات.




رێبین رەمزی





xendan