پرۆگرامی پونتۆ پیلۆتای بەناوبانگی ئیسپانی باس لەو ڕووداوە دەکات کە لە ئێستادا ڕۆژنامەکانی سەرقاڵ کردووە بە خۆیەوە لە نێوان ئیکەر کاسیاس و دیگۆ لوپێزی هەردوو گۆڵچی ریاڵ مەدریدا.

ئەمەش لە دوای ئەوەی کە گرتەیەکی ڤیدیۆی بڵاو بوویەوە لەسەر ئەوەی کە لوپێز و کاسیاس ناکۆکیان هەیە و کاسیاس تەوقەی لەگەڵ لوپێز نەکردووە لە پێس ڕووبەڕوبونەوەیان بەرامبەر بە یانەی لیڤانتی لە خولی ئیسپانیدا.

تۆماس ڕۆنسیرۆی ناسراو لە شاری مەدرید کە ڕۆژنامەنوسێکی ڕۆژنامەی "AS" ی ئیسپانییە دەڵێت " لە پێش ئەنجامدانی یاری نێوان ریاڵ مەدرید ولیڤانتی لە هەفتەی ٣٠ ی خولی لالیگادا ، کاسیاس هیوای خواستووە کە لوپێزی هاوڕیی ئاستێکی باش پێشکەش بکات ، ئەمەش مانای کە هیچ کێشەیەک لە نێوان ئەوو دوو گۆڵچییەی ریاڵ مەدریدا نیە.

بەڵام ڕۆژنامەنوسێکی دیکەی ئیسپانی بەناوی خۆسیە ئەنتۆنیۆ دەڵێت " لوپێز و کاسیاس دوو گۆڵچی پیشەگەرن و هاوڕێن ، بەڵام هەریەکەیان دەیەوێت لە پێکهاتەی مۆرینۆدا یاریزانی سەرەکی بێت و رکابەری دەکەن لەسەری.


خەندان