یاری شەوی ڕابردووی نێوان ریاڵ مەدرید وگەلاتە سەرای یارییەکی تایبەت بوو بۆ کەریم بنزیمە ، کە توانی گۆڵی دووەمی یانەکەی تۆمار بکات و ئەمەش وای کرد کە ژمارەی یارییەکانی ئەو هێرشبەرە فەڕەنسییە بگاتە 50 یاری لە خولی یانە پاڵەوانەکاندا.

بنزیمە لە ڕابردوودا و لە خولی یانە پاڵەوانەکاندابۆ 4 وەرز لەگەڵ یانەی لیۆنی فەڕەنسی یاری کردووە ، هەروەها بۆ 4 وەرزیشە بەردەوامە لەگەڵ یانەی ریاڵ مەدرید و لەو 8 وەرزەدا توانیویەتی 50 یاری ئەنجامبدات لە خولی یانە پاڵەوانەکانی ئەوروپادا.

لەگەڵ یانەی لیۆندا ، بنزیمە 19 یاری ئەنجامدا بوو لە خولی یانە پاڵەوانەکاندا لە 9 سەرکەوتنیان هەبوو 4 یەکسانبوون 6 ذۆڕاندن هەروەها توانیبوی لەو ماوەیەدا 12 گۆڵ تۆمار بکات.

لەگەڵ یانەی ریاڵ مەدریدا 31 یاری ئەنجامداوە ، 21 سەرکەوتن 6 یەکسانبوون 4 دۆڕاندن.


خەندان