سایتی یانه‌ی به‌رشلۆنه‌ی ئیسپانی ، له‌سه‌ر تۆڕی ئینته‌ر نێت ڕایگه‌یاندووه‌ که‌ به‌رگریکاری فه‌ڕه‌نسی یانه‌که‌یان "ئیریک ئه‌بیداڵ " ئه‌مڕۆ دوایه‌مین پشکنینی پزیشکی بۆ ئه‌نجامدرا و به‌ فه‌رمی ده‌توانێت بگه‌ڕیته‌وه‌ بۆ یاری کردن.

یانه‌ی به‌رشلۆنه‌ له‌ هه‌واڵه‌که‌یدا ، دڵی هانده‌رانی یانه‌ی به‌رشلۆنه‌ و هه‌وادارانی ئیریک ئه‌بیداڵی فه‌ڕه‌نسی خۆش ده‌کات ، به‌ دووباره‌ گه‌ڕانه‌وه‌ی بۆ پێکهاته‌و ڕیزه‌کانی یانه‌ی به‌رشلۆنه‌.

ئه‌بیداڵ بۆ ماوه‌ی ساڵێکی ته‌واو دور بوو له‌ یاریکردن له‌گه‌ڵ یانه‌ی به‌رشلۆنه‌دا ، ئه‌ویش به‌هۆی نه‌خۆشییه‌وه‌ که‌ له‌ ماوه‌ی ڕابردوودا چاندنی جگه‌ری به‌ سه‌رکه‌وتووی بۆ ئه‌نجامدرا.

بڕیاره‌ ڕۆژی شه‌ممه‌ی داهاتوو ، له‌ میانی یارییه‌کانی خولی ئیسپانیا " لالیگا" و له‌ هه‌فته‌ی 25 دا ، یانه‌ی به‌رشلۆنه‌ میوانداری یانه‌ی سیڤیلیا بکات له‌ یاریگای کامپ نوو.



خه‌ندان-