یەكێتیی تۆپی پێی ئەڵمانیا لە نووسراوێكی فەرمیدا رایگەیاند، بڕیاری داوە بڕی (200) هەزار یۆرۆ، كە دەكاتە (275) هەزار دۆلار وەكو پاداشت بداتە هەر یاریزانێكی هەڵبژاردەی ئەڵمانیا ئەگەر ئەم هەڵبژاردەیە توانی بۆ یارییەكانی جامی جیهانی 2014 سەركەوێت، كە بڕیارە لە بەرازیل بەڕێوەبچێت.
بە پێی ئەم نووسراوە هەر یاریزانێك لە كاتی بە دەستهێنانی سەركەوتن لە یەكێك لە یارییەكانی پاڵاوتن ئەوە بڕی 20 هەزار یۆرۆ وەكو پاداشت وەردەگرێت ئەمەش دەبێتە هاندەرێكی بەهێز بۆ یاریزانانی ئەم هەڵبژاردەیە بۆ پێشكەش كردنی ئاستێكی بەهێز و بەدەستهێنانی سەركەوتن لە یارییەكاندا.