كۆشكی سپی ئاشكرای كردووە كە باراك ئۆبامای سەرۆكی ئەمەریكا پشتگیری لە پێشنیازێك كردووە كە خراوەتە بەردەمی كۆنگرێس بۆ بەخشینی وەرزشوانە براوەكانی ئۆڵۆمپیادی لەندەن لەو باجەی دەكەوێتە سەریان.
جای كارنی گوتەبێژی كۆشكی سپی ئاشكرای كرد كە سەرۆك ئۆباما بە پێویستی دەزانێت رێز لە ماندووبوون و كاری وەرزشوانەكان بگیرێت.
ژمارەیەك لە سەركردەكانی هەردوو حزبی كۆماری و دیموكرات لە كۆنگرێس پرۆژە یاسایەكیان پێشنیاز كردووە بۆ بەخشینی یاریزانانی براوەی ئۆڵۆمپیاد لەو باجانەی بەهۆی بردنەوەی ملوانكەكانەوە دەكەوێتە سەریان.
لیژنەی ئۆڵۆمپی ئەمەریكی 25 هەزار دۆلار بۆ هەر ملوانكەیەكی زێڕ و 15 هەزار دۆلار بۆ هەر ملوانكەیەكی زیو و 10 هەزار دۆلار بۆ هەر ملوانكەیەكی مس دەدات و یاریزانەكان لای خۆیانەوە دەبێ بۆ ملوانكەی زێڕ 8 هەزار دۆلار و بۆ ملوانكەی زیو 986 دۆلار و بۆ ملوانكەی مس 385 دۆلار بدەن.