لە شاری بەغداد پاڵەوانێتی هەڵبژاردەی شارەكانی عێراق بۆ شەترەنج بەڕێوەچوو، لەم پاڵەوانێتیەدا 19 هەڵبژاردەی شارەكانی عێراق بەشداری تێدا كردبوو و هەروەها 114 یاریزان نوێنەرایەتی ئەم یانانەیان دەكرد لەم پاڵەوانێتیە.
بۆ جاری دووەم لەسەر یەكدی هەڵبژاردەی هەولێر توانی نازناوی پاڵەوانێتیەكە بۆخۆی مسۆگەر بكات و پلەی یەكەم بە دەستبهێنێت دوای ئەوەی توانی (12) خاڵ كۆبكاتەوە و هەڵبژاردەی بەغداد پلەی دووەمی بەدەستهێنا دوای ئەوەی (11) خاڵی كۆكردووە و هەڵبژاردەی سلێمانی پلەی سێیەمی بە دەستهێنا بە كۆكردنەوەی (10) خاڵ.
دوای تەواوبوونی پاڵەوانێتیەكە دە یاریزان لەسەر ئاستی كوڕان و كچان بۆ ڕیزی هەڵبژاردەی عێراق دەستنیشان كران و هەروەها بەفەرمی هەردوو هەڵبژاردەی هەولێر و بەغداد نوێنەرایەتی عێراق لە پاڵەوانێتی ئۆڵۆمپیادی شارەكانی ئاسیا و عەرەبی دەكەن