زیشكانی توێژەر لە کۆنفرانسێكی زانستیدا رایانگەیاند دەرمانێكی کۆنتڕۆڵکردنی منداڵبون دروستدەکرێت، کە لە پشکنینەکاندا دەرکەوتووە سەلامەتە بۆ بەکارهێنانی لە مرۆڤدا.

ستیفانی پاگ، پرۆفیسۆری هەناوی و هاوسەرپەرشتیاری توێژینەوەیەکی نوێیە لەبارەی کاریگەری دەرمانە نوێیەکەی رێگریکردن لە منداڵبوون، دەڵێت دەرمانە نوێیەکە رۆژانە جارێك بەکاردێت، 200-400 ملیگرام هۆڕمۆنی پرۆجیسترۆنی تێدایە و هۆکار دەبێت بۆ رێگەگرتن و کەمکردنەوەی دروستکردنی سپێرمەکان.

ستیفانی دەڵێت نزیکەی 40 پیاوی تەندروست بەشدارییان لە توێژینەوەیەکی زانکۆی واشنتن کردووە و بۆماوەی ٢٨ رۆژ دەرمانیان خواردووە، بەگوێرەی توێژینەوەکە دەرکەوتووە رێژەی سپێرمەکانیان بەشێوەیەکی بەرچاو کەمیکردووە، کە دەبێتە بەشێكی دیکە لە رێگەکانی مەنعکردن لەگەڵ بڕینی جۆگەکانی سپێرم و بەکارهێنانی کۆندۆم.

دەرمانی رێگریکردن لە منداڵبوون لە ژناندا 50 ساڵ دەبێت لەلایەن پزیشكانی بەریتانیا دروستکراوە و تاوەکو ئێستا دروستکردنی دەرمانێكی هاوشێوە کە رێگە لەدروستکردنی سپێرمەکان بگرێت، لە تاقیگەدایە و تاوەکو ئێستا بەراورد بە خانمان، پیاوان کەمترین رێگەیان لەبەردەست هەن بۆ رێگەگرتن لە منداڵبوون.