ئەمە راستییەکی پزیشکییە کە ھەندێک کچی وەرزشوان دوچاری گرفت یان ناڕێکی لە سووڕی مانگانە دەبنەوە. مەشقی توند و دووبارە کە ببێتە ھۆی ماندووبوونێکی زۆر، بۆ نموونە جیمناستیک، مەلە، راکردن، گەلێک جار ھۆکارە بۆ وەستانی سووڕی مانگانە Amenorrhea بۆ ماوەیەکی دیاریکراو یان بە شێوەیەکی درێژخایەن. مەشقی توند و بەردەوام، ناڕێکی خۆراک، تەرخان نەکردنی کاتی پێویست بۆ حەسانەوەی لەش و دووبارە بەرزبوونەوەی ئاستی وزە، ھۆکارن بۆ دواکەوتنی یان وەستانی سووڕی مانگانە. ناڕێکی خۆراک دەبێتە ھۆی ونکردنێکی خێرای چەوری لەش و بارستایی ماسوڵکە، ئەمەش کاریگەری نێگەتیڤ دەکاتە سەر ئاستی وزەی لەش و سووڕی مانگانە. وەستانی سووڕی مانگانە دەبێتە ئەگەری ناھاوسەنگی ھۆرمۆنەکان کە لەوانەیە لە دوارۆژدا ھۆکار بێت بۆ نەزۆکی، ھەروەھا لاوازبوون یان پووکانەوەی ئێسک Osteopororsis.