خەمۆكی لە تەمەنی نەوجەوانیدا Adolescence depression بریتییە لە دڵتوندی قووڵ و دابڕان لە دەوروبەر، هەروەها كەمبوونەوەیەكی بەرچاوی چالاكیی فیزیكی و بەسەربردنی چەند كاتژمێرێك بە یەك پۆزیشنی لەش. تا ئێستا خەمۆكی بە دەرمان و چارەسەری دەروونی چارەسەر دەكرێت، لە حاڵەتە سەختەكانیشدا لێدانی كارەبا بۆ ناوچەی سەر ECT. خەمۆكی نەوجەوانان لە هەموو رووێكەوە نزیكە لە خەمۆكی لە گەورە و بەساڵاچوواندا تەنیا ئەوە نەبێت كە كچ یان كوڕی نەوجەوان لەوانەیە نەتوانێت كە بە روونی هەستەكانی خۆی بخاتە روو، بۆیە لەوانەیە كە خەمۆكی بە چەند شێوەیەك خۆی بنوێنێت وەكو ترس یان فۆبیا، چەند نیشانەیەكی جەستەیی وەكو سەرئێشە یان سك ئێشە، گۆڕان لە هەڵسوكەوتدا، پەستی و نیگەرانی لە جیابوونەوە یان دووركەوتنەوە لە هاوڕێ و كەسانی نزیك، هەندێك جاریش هەلوەسە Hallucinations. نیشانە باوەكانی خەمۆكی نەوجەوانان بریتین لە: دابەزینی ئاستی ئەكادیمی، گرفت لە پەیوەندی لەگەڵ هاوڕێكاندا، كەمبوونەوەی كۆنتاكت بە خێزان و كەسانی تر، كەمبوونەوەی حەماس و وزە و پاڵنەر بۆ هەموو چالاكییەكان، تووڕەبوون و هەڵچوون كە لە جێگای خۆیدا نەبێت، هەستكردن بە دڵتوندی و نائومێدی، بەرگەنەگرتن، یان زیاد هەڵچوون بە رەخنەگرتن، كەمبوونەوەی باوەڕبەخۆبوون، هەستكردن بە تاوان، گرفت لە تەركیزكردن و بڕیارداندا، هەستكردن بە ناڕاحەتی، گۆڕان لە خۆراك و خەودا، بیركردنەوە یان هەتا هەوڵدان بۆ خۆلەناوبردن.