بەكارهێنانی مەسكارا Mascara بە شێوەیەكی نادروست زیانی زۆر بە چاو دەگەیەنێت، بەتایبەتی هەوكردن، لەوانەی هەتا ببێتە هۆی كوێربوون. بە مەبەستی كەمكردنەوەی، یان رێگرتن لە زیانەكانی مەسكارا، ئەم هەنگاوانە پەیڕەو بكە:
هەرگیز مەسكارا لەناو ئۆتۆمبێل، یان لەناو فڕۆكەدا بەكارمەهێنە، واتە لەكاتی جوولە و وەستانی لەناكاودا ئەگەری گەیشتنی مەسكارا بە چاو زۆر زیاد دەبێت، لەكاتی وشكبوونی مەسكارا هەرگیز چاوەكانت بە ئاو تەڕ مەكە، چونكە ئەمە ئەگەری گەشەی بەكتریا و هەوكردن زیاد دەكات، لەكاتی ساردبوونی مەسكارا بەتایبەتی لە وەرزی زستان، یان لە هەر شوێنێكی سارددا ئەگەری گەشەكردنی بەكتریا لەناویدا زیاد دەبێت، بۆیە وا باشە كە پاش 3 مانگ مەسكارای هەڵگیراو لە شوێنی ساردا فڕێ بدرێت و چیتر بەكارنەهێنرێت، هاوبەشی مەكە لە بەكارهێنانی مەسكارا لەگەڵ كەسانی تر هەتا لەگەڵ دۆستە نزیكەكاندا لەبەر ئەگەری گواستنەوەی هەوكردن، بە مەبەستی رێگرتن لە هەوكردنی بەكتریایی، هەموو ئاسەوارەكانی مەسكارا و ماكیاژ لەسەر دەموچاوت لابەرە بەر لە چوونە سەر جێگای نووستن.