بەردەوام هەستكردن بە گەرما Feeling hot بەگشتی 3 هۆكاری سەرەكی لەپاڵە وەكو سترێس، وەستانی یەكجارەكیی سووڕی مانگانە، زیاد چالاكبوونی گلاندی دەرەقی. هۆكارە لاوزەكانی تری هەستكردن بە گەرما بریتین لە: خواردنەوەی بڕی زیادی شلەمەنییە كافائینییەكانی وەكو چای و قاوە، زیاد خواردنی بیبەر و خۆراكی تیژ، زیاد خواردنەوەی شلەمەنییە ئەلكهولییەكان، زیاد جگەرەكێشان كە دەبێتە هۆی دڵەكزێ و بەرزبوونەوەی پلەی گەرمیی لەش.
ئەم هەنگاوانە سوودیان هەیە بۆ كەمكرنەوەی هەستكردن بە گەرما: زیاد خواردنی سەوزە و میوە، دڵنیابە لەوەی كە خۆراكی رۆژانەت 1000 ملگم كالیسیۆم و بڕی باشی ڤیتامین D دابین دەكات، خواردنەوەی بڕی زیادی ئاو، پەیڕەوكردنی هەنگاوەكانی سووككردنی سترێس وەكو مەشقی وەرزشی و خۆخاوكردنەوە Relaxation، دووركەوتنەوە لە خواردنی تیژی، دووركەوتنەوە لە جگەرەكێشان و خواردنەوە ئەلكهولییەكان، پشكنین بۆ ئاستی هۆرمۆنەكانی گلاندی دەرەقی و چارەسەركردنی هەر گرفتێكی پەیوەست، چارەسەری هۆرمۆنی لە ژێر چاودێری پزیشك بۆ حاڵەتی وەستانی یەكجارەكیی سووڕی مانگانە.