ئەو چەورییەی كە لە زەیتی گوێزی هیندیدایە Coconut oil لە جۆری ترشە چەورییە تێرەكانە Saturated fatty acids، لەگەڵ ئەمەشدا زەیتی گوێزی هیندی رۆڵی هەیە بۆ پاراستنی تەندروستی جگەر و بەهێزكردنی بەرگی لەش. سوودە تەندروستییەكانی زەیتی گوێزی هیندی بریتین لە: كۆنترۆڵكردنی كێشی لەش لەبەر ئەوەی كە زەیتی گوێزی هیندی ئەو گلیسریدە سیانییانە لەخۆدەگرێت كە خاوەنی زنجیرەی مامناوەندین Medium-chain لە رووی پێكهاتەی كیمیاییەوە، ئەم چەورییە رۆڵی هەیە لە كەمكردنەوەی ئارەزووی خواردن و هاندانی كرداری میتابۆلیزم و زیادكردنی چالاكی ئەو خانانەی كە هاندەرن بۆ سووتاندنی چەوری، دابەزاندنی ئاستی كۆلیستیرۆلی خراپ HDL و بەرزكردنەوەی ئاستی كۆلیسترۆلی باش HDL لە خوێندا، ترشی لاوریك Lauric acid كە لە زەیتی گوێزی هیندیدایە یارمەتی لەش دەدات بۆ بەرەنگاربوونەوەی بەكتریا و ڤایرۆس و كەڕووەكان، هەروەها زەیتی گوێزی هیندی سوودی هەیە لە یارمەتیدانی بچووككردنەوەی قەبارەی كەمەر یان كەرش.