بینینی ماڵەکەت هەمو رۆژێک بەیەک شێوە کەمێک بێزارکەر دەبێت، ئەگەر کەمێک گۆڕانکاری لە ماڵەکەتدا ئەنجام بدەیت زیاتر ئارەزو دەکەیت کاتەکانت لە ماڵەکەتدا بەسەر بەریت و زیاتر دڵخۆش بیت تیایدا، دەتوانیت بەم رێگەیە گۆڕانکاری لە ماڵەکەت ئەنجامبدەت.

یەکەم: سەرجێگای نوستنەکەت بگۆڕە کە رۆڵی هەیە لە کرانەوەی دیکۆری ژورەکەت.

دوەم: گڵۆپی زیاد بۆ ماڵەکەت دابنێ کە روناکی ماڵەکەت زیاد بکات.

سێیەم: ئاوێنەی گەورە لە ماڵەکەت دابنێ بەتایبەتی لە چێشتخانە یان ژوری نوستن یان هۆڵ.

چوارەم: گۆشەی سەر قەنەفەکان بگۆڕە بە رەنگی دیکە کە لەگەڵ قەنەفەکەت بگونجێت، یان گۆشەی رەنگاورەنگ هەڵبژێرە.

پێنجەم: روەکی شروستی لە ماڵەکەت دابنێ.

شەشەم: رەنگی دیواری ژورەکەت بگۆڕە بە رەنگێکی دیکە.

حەوتەم: ئەگەر فەرشی زیادەت هەیە ئەوا فەرشی ماڵەکەت بگۆڕە، یان ئەو فەرشەی کە داتناوە لایبدە.

هەشتەم: گۆڕانکاری لە پەردەی ماڵەکەت بکە، ئەگەر چەند پەردەیەکت هەڵواسیوە دەتوانیت بیکەیت بە یەک پەردە، یان رەنگێکی جیاواز هەڵبژێرە.

نۆیەم: کەلوپەلەکانی ماڵەکەت ئاڵوگۆر بکە، شوێنی قەنەفە، کورسی و مێز، سیسەمی نوستن، پەیکەر یان نیگاره‌كانی ماڵەکەت ئاڵوگۆربکە جێگۆڕکێیان پێبکە.



سەرچاوە : خەندان