دەوروبەری نینۆكەكانت بە زەیتی تایبەت پێش بۆیەكردن و دوای بۆیەكردن چەور بكە، بۆ ئەوەی بنكەیەكی نەرمت دەست بكەوێت كە ڕێگری لە قڵیشان بكات و یارمەتیی جێگیربوونی ڕەنگەكە بدات.

چینێكی بنەڕەتیی شەفاف بەكار بهێنە بۆ پاراستنی ڕووی نینۆكەكە و زیادكردنی مانەوەی بۆیەكە، بەبێ ئەوەی لێی ببێتەوە.

بۆیەی جێڵ (Gel) یان ئەو جۆرانە هەڵبژێرە كە بۆ ماوەیەكی درێژ دەمێننەوە، چونكە ڕەنگێكی بریقەدارت پێ دەبەخشن، كە بۆ چەندین كاتژمێر دەمێنێتەوە، بەتایبەت لە بۆنە و ئاهەنگەكاندا.

دوای تەواوبوونی بۆیەكە، چینێكی بریقەداری كۆتایی لێ بدە، بۆ ئەوەی بریقەیەكی وەك شووشەی هەبێت.

پەلەكردن دەبێتە هۆی ئەوەی بۆیەكە زوو تێك بچێت، بۆیە خولەكێكی زیادە بە هەر چینێك بدە تا بە باشی دەیگرێت، پاش بۆیەكردن ڕاستەوخۆ دەست مەخە ناو ئاو، بۆ ئەوەی شێوەی بۆیەكە تێك نەچێت.

با زەیتێكی خۆراكبەخش لەناو جانتاكەتدا هەبێت و كەمێكی بدە لە دەوروبەری نینۆكت، ئەمە دەستەكانت نەرم نیشان دەدات و بریقە بۆ بۆیەكە دەگێڕێتەوە.