كاتێك سرووشت ڕێڕەوی خۆی دەگۆڕێت، تاقەچاوی یان «سایكلۆپیا» یەكێكە لە دەگمەنترین و سەیرترین تێكچوونە زگماكییەكان لە مرۆڤدا. ئەم ناوە لە ناوی دێوەتاقەچاوەكانی ئەفسانەی یۆنانی (Cyclops) وەرگیراوە. لە كاتی گەشەی كۆرپەلەدا، مێشك ناتوانێت بە تەواوی دابەش ببێت بۆ دوو نیوەگۆ، ئەمەش دەبێتە هۆی ئەوەی هەردوو چاڵی چاوەكە یەكبگرن و یەك چاو لە ناوەڕاستی تەوێڵدا دروست ببێت. ڕێژەی ڕوودان: لە هەر 100،000 منداڵبووندا تەنیا یەك حاڵەت ڕوو دەدات. هۆكارەكان بریتیین لە تێكچوونی جینی یان كاریگەریی ژەهراوی لەسەر كۆرپەلە لە سەرەتای دروستبوونیدا. ماوەی ژیان: ئەم حاڵەتە بە كوشندە دادەنرێت؛ زۆربەی كۆرپەكان پێش لەدایكبوون، یان تەنیا چەند كاتژمێرێك دوای لەدایكبوون گیان لەدەست دەدەن، درێژترین ماوەی ژیان كە بۆ ئەم حاڵەتە تۆمار كرابێت، تەنیا یەك ڕۆژ بووە.