مار نەوەك لە خەو، بەڵكو لە راستەقینەشدا ترسناك و بە ئازارە، ئەی ئەگەر لە خەویشدا وازت لێ نەهێنێت؟ با بزانین مار لە خەودا بە چ مانایەكە. لە خەوننامەدا هاتووە كە بینینی مار لە خەودا مانای وایە كەسێك نیازێكی خراپی هەیە بەرامبەرت و دەیەوێ تووشی كێشە و گرفتت بكات. ئەگەر لە خەودا مار هێرشت بكاتە سەر بە مانای ئەوەیە كەسێك باست دەكات، یان بە خراپە باسی كردووی، ئەگەریش مار لە خەودا زیانی بۆت نەبوو، تەنیا سەیركردنی مار بوو، مانای ئەوەیە هەنگاوێكت لە پێشە و پێویستە ئاگاداری خۆت بیت. ئەوانەی نەخۆشن ئەگەر خەو بە مار ببینین، مانای ئەوەیە نەخۆشییەكەیان چاك دەبێتەوە و باش دەبن.
