وەزیرانی دەرەوەی ئەمریکا و رووسیا ئامادەکاریی بۆ کۆبوونەوەی سەرانی پێنج وڵاتە گەورەکەی جیهان دەدەن.

بەپێی بەیاننامەیەکی وەزارەتی دەرەوەی ئەمریکا، مایک پۆمپیۆی وەزیری دەرەوەی ئەو وڵاتە و سێرگی لاڤرۆڤی وەزیری دەرەوەی رووسیا بە تەلەفۆن گفتوگۆیان لەبارەی کۆبوونەوەکە، کە ”لە ئایندەیەکی نزیک“ دەبەسترێ، کردووە.

کۆبوونەوەکە لە 75ـەم ساڵیادی دامەزراندنی نەتەوە یەکگرتووەکان ساز دەکرێ و تێیدا سەرانی ئەو پێنج وڵاتە، کە ئەندامی هەمیشەیی ئەنجوومەنی ئاسایشی نێودەوڵەتین و مافی رەتکردنەوەی بڕیارەکان (ڤیتۆ)یان هەیە، تاوتوێی کێشە جیهانییەکان دەکەن.

ناوی سەرۆک و وڵاتانی بەشدار لەکۆبوونەوەکە:

- دۆناڵد ترەمپ، سەرۆکی ئەمریکا

- ڤلادیمێر پوتین، سەرۆکی رووسیا

- ئیمانوێڵ ماکرۆن، سەرۆکی فەرەنسا

- جی شینگ پینگ، سەرۆکی چین

- بۆریس جۆنسۆن، سەرۆک وەزیرانی بەریتانیا



باسنيوز