ئەحمەد داودئۆغڵو سەرۆكی پارتی ئایندەی توركیا، پێیوایە توركیا دەچێتە ناو هەڵبژاردنی پێشوەختەوە و ئەوەش پێی وایە توركیا ناچێتە ناو هەڵبژاردنی پێشوەختەوە بە هەڵەدا چووە و پێویستە ئامادەكاری بكات.

ئەحمەد داودئۆغلۆ لە دیمانەیەكیدا بۆ تەلەڤزیۆنی (خەبەر تورك)، لەبارەی ئەوەی ئایە پارتەكەی ئامادەیە بۆ هەڵبژاردنی پێشوەختە؟ یاخود ئایا توركیا دەچێتە ناو هەڵبژاردنی پێشوەختەوە دەڵێت: "ئەوەی پێی وابێت توركیا ناچێتە ناو هەڵبژاردنی پێشوەختەوە بە هەڵەدا چووە. ئەوەی گرنگە خۆمانی بۆ ئامادە بكەین و وەكوو پارتی ئایندە لە مانگی ئەیلوولدا دەچینە ناو كۆنگرە و لە ٢٠٢١یش پارتەكەمان ئامادە دەبێت بەشداری هەر هەڵبژاردنێك بكات".

لە بەشێكی تری قسەكانیدا، داودئۆغلۆ رەخنەی لە ئاكەپە گرت، بەوەی لەناو ئەو پارتەدا رێگەی لێ گیراوە كار بكات و دژی گەندەڵی بوەستێتەوە، بۆیە ئەو رێگایەی واز لێ نەهێناوە و لەناو پارتی ئایندە درێژە بەو پڕۆژانە دەدات كە بەنیاز بووە پێشتر لەناو ئاكەپەدا جێبەجێیان بکات.














باسنيوز