وەزیری بەرگریی ئیسرائیل لە ئەکاونتی توویتەری خۆی رایگەیاندووە، بەهۆی ئەوەی گومانی تووشبوونی بە ڤایرۆسی کۆرۆنا هەیە، خۆی کەرەنتین کردووە.

بێنی گانتز، وەزیری بەرگریی ئیسرائیل و جێگری سەرۆکوەزیرانی ئیسرائیل ئاماژەی بەوە کردووە، بەهۆی گومانی بەرکەوتنی لەگەڵ نەخۆشێکی تووشبوو بە ڤایرۆسی کۆرۆنا و دوای راوێژ لەگەڵ بەرپرسانی پزیشکی، خۆی کەرەنتین دەکات و پشکنینی کۆرۆنا دەکات.

بەپێی ئامارە فەرمییەکان، تاوەکو ئێستا لە ئیسرائیل 32 هەزار و 714 کەس تووشی ڤایرۆسی کۆرۆنا بوون، لەو ژمارەیەش 29 هەزار و 400 تووشبوو چاکبوونەوە و هەزار و 966 تووشبووش گیانیان لەدەستداوە.








رووداو