نووسەریکی نزیک لە ئاکەپە: دەنگەكانی ئاكەپە بۆ ٣٠٪ كەم بووەتەوە
لەمبارەوە ناگیهان ئاڵچی، نووسەری دیاری توركیا و نزیك لە ئاكەپە، لە كاتی بەشداریكردنی لە بەرنامەیەكی سیاسی لە (خەبەر تورك) باسی لە پێگەی ئاكەپە لە توركیا كرد.
ئاڵچی ئاماژەی بەوەش داوە كە چەند راپرسییەكی لەبەردەستدایە و ئەو راپرسییانەش لەلای ئاكەپەش هەن بەوەی دەنگەكانی بۆ ٣٠٪ کەم بووەتەوە.
ئەو لە بەشێكی تری قسەكانیدا ئاماژەی بۆ جەهەپە كرد، كە ئێستا ئەو پارتە دەنگەگانی بۆ ٢٥٪ بەرز بووەتەوە و هەدەپەش١٠٪.
بە گوێرەی گوتەی ئاڵچی، راستە ئاكەپە دەنگەكانی كەم بووەتەوە، بەڵام ئێستاش هەر پارتی یەكەمە لە توركیا.
ئاكەپە لە ماوەی ١٨ ساڵ حوكمڕانی لە توركیا، هیچ كاتێك دەنگەكانی دانەبەزیوە بۆ خوار٤٠٪ و لە ١١ هەڵبژارندا دەنگەكانی ٤٠ بۆ ٤٥٪ بووە.
لە سەرەتای ساڵی ٢٠٢٠ەوە بەهۆی گیروگرفتی ناوخۆیی تورکیا دوو پارتی نوێ لە تورکیا دامەزراون کە ئەوانیش لەسەر دەستی ئەحمەد داودئوغلۆ سەرۆکوەزیرانی پێشووی تورکیا و عەلی باباجان وەزیری پێشووتری ئابووری تورکیان کە ئەمانەش کاریگەرییان لەسەر کەمبوونەوەی دەنگەکانی ئاکەپە داناوە.
باسنيوز
