گرووپە توندڕەوە فەلەستینییەکان لە کەرتی غەززەی وڵاتەکەیانەوە باشووری ئیسرائیل مووشەکباران دەکەن.

بەپێی هەواڵی میدیا عەرەبییەکان، درەنگانی شەوی یەکشەممە 5-7-2020، سێ مووشەک لە کەرتی غەززەوە ئاراستەی باشووری ئیسرائیل کراون.

میدیا لۆکاڵییەکان ئاماژەیان بەوە کردووە، کە بڵندگۆی ئاگادارکەرەوە لێی نەداوە و ئەوەش نیشانەی ئەوەیە مووشەکەکان لە ناوچە ئاوەدانییەکان نەکەوتوونەتە خوارەوە.

تا ئێستا هیچ کام لە بزووتنەوەی بەرگریی ئیسلامیی فەلەستینی (حەماس) و بزووتنەوەی جیهادی ئیسلامیی فەلەستینی، کە بەردەوام لە کەرتی غەززەوە مووشەک ئاراستەی ئیسرائیل دەکەن، بەرپرسیارێتیی خۆیان لە ئاراستەکردنی مووشەکەکان رانەگەیاندووە.




باسنيوز