ئەمڕۆ پێنجشەممە دۆناڵد ترەمپ سەرۆكی ئەمریكا لە وەڵامی پرسیارێكدا رایگەیاند كە ئەگەرچی ئەو ماسك بەكار ناهێنێ بۆ خۆپاراستن لە پەتای ڤایرۆسی كۆرۆنا، بەڵام بەستنی ماسك گرنگە بۆ نەهێشتنی بڵاوبوونەوەی پەتایەكە.


ترەمپ لە لێدوانێكیدا بۆ ماڵپەڕی "فۆكس بزنس"ی ئەمریكی وەڵامی ئەو پرسیارەی دایەوە كە بۆچی ماسك بەكار ناهێنێ و رایگەیاند كە بەكارهێنانی ماسك كێشە نییە و ئەگەر پێویست بكات بەكاری دەهێنێت.

ترەمپ دووپاتی كردەوە كە ئەگەرچی خۆی ماسك بەكار ناهێنێ، بەڵام ئەو لەگەڵ بەكارهێنانی ماسكدایە و بە گرنگی دەزانێ، هەروەها ئەو كەسانەش كە رۆژانە لەگەڵیاندا كۆدەبێتەوە، هەموویان پشكنینیان بۆ كراوە و دڵنیایە لەوەی هەڵگری پەتاكە نین.

سەرۆكی ئەمریكا ئەوەشی گوت كە پێیوایە لەناكاو پەتای كۆرۆنا لەناودەچێ و نامێنێت.

نەبەستنی ماسك لەلایەن ترەمپەوە لە كاتێكدایە كە هێشتا بەشێك لە ویلایەت و شارەكانی ئەمریكا بەدەم بەرزبوونەوەی ڕێژەی بڵاوبوونەوەی پەتای ڤایرۆسی كۆرۆنا دەناڵێنن.
بەرزی ئەمەش لە كاتێكدایە












باسنيوز