حکوومەتی کۆماری ئیسلامیی ئێران هەڵوێستی خۆی لەبارەی دەستگیرکردنی چەکدارانی میلیشیاکانی حەشدی شەعبی، راگەیاند.

ئەمڕۆ دووشەممە 29-6-2020، وەزارەتی دەرەوەی ئێران لە لێدوانێکی رۆژنامەوانیدا، رایگەیاندووە، حەشدی شەعبی هێزێکی سەربازیی فەرمییە و بە رای بەرپرسان و مەرجەعیەتی شیعە، دامەزراوە.

وەزارەتی دەرەوەی ئێران بە ئاماژەکردن بەوەی حکوومەتی عێراق دەتوانێ ئەو کۆسپانە تێبپەڕێنێت و کاروباری ناوخۆی خۆی بەڕێوە ببات و لەبارەی دەستگیرکردنی چەکدارەکانی حەشدی شەعبیش، رایگەیاندووە، ”ئەو بابەتە پەیوەندیی بە ناوخۆی عێراقەوە هەیە و ئێران دەست لەکاروباری ناوخۆی عێراق وەرنادات“.

رۆژی پێنجشەممە 25-6-2020، هێزەکانی دژەتیرۆری عێراقی ژمارەیەک چەکدار و سەرکردەی میلیشیای حزبوڵڵای عێراقییان دەستگیر کرد، کە بەنیازی دامەزراندنی سەکۆی مووشەکی بوون بۆ تۆپبارانکردنی بنکە سەربازییەکان و باڵوێزخانەی ئەمریکا.












باسنيوز