ئەنجوومەنی ئاسایشی نێودەوڵەتی تاوتوێی درێژکردنەوەی ماوەی قەدەغەکردنی کڕینی چەک لەلایەن کۆماری ئیسلامیی ئێرانەوە، دەکات.

پرۆژەکە لەلایەن ئەمریکاوە دراوەتە ئەنجوومەنی ئاسایشی نێودەوڵەتی و تێیدا باس لەوە کراوە، تا کاتێکی نادیار ماوەی قەدەغەکردنی کڕینی چەک لەلایەن ئێرانەوە، درێژ بکرێتەوە.

لە 14-7-2015، وڵاتانی گەورەی جیهان و ئێران رێککەوتن لەسەر جێبەجێکردنی یاسای قەدەغەکردنی کڕینی چەک لەلایەن ئێرانەوە و ئەنجوومەنی ئاسایش بۆ ئەم مەبەستە، بڕیاری ژمارە 2231ـی دەرکرد.

بڕیارە ئەمڕۆ چوارشەممە 24-6-2020، ئەنجوومەنی ئاسایشی نێودەوڵەتی کۆ ببێتەوە و تاوتوێی درێژکردنەوی بڕیارەکە لە مانگی 10ـی ئەمساڵەوە تا کاتێکی نادیار، بکات.








باسنیوز