پەرلەمانتارێکی عەرەب بەهۆی پەتای کۆرۆناوە، کۆبوونەوەکانی پەرلەمانی ئیسرائیل (کنێست)، رادەگرێت.

ئەمڕۆ پێنجشەممە 4-6-2020، سامی ئەبو شەحادە، پەرلەمانتاری لیستی هاوبەش لە کنیست، لە هەژماری تایبەتیی خۆی لە تۆڕی کۆمەڵایەتیی (فەیسبووک)، رایگەیاندووە، ئەنجامی پشکنینی تایبەت بە کۆرۆنای وەرگرتووەتەوە و دەرکەوتووە تووشی ئەو پەتایە بووە.

دوای تووشبوونی سامی ئەبو شەحادە، کنێست هەموو کۆبوونەوەکانی خۆی راگرت و بڕیاری دا پشکنینی کۆرۆنا بۆ هەموو ئەندامانی لیستی هاوبەش و ژمارەیەک ئەندامی دیکەی کنێست، بکات.

لیستی هاوبەش، هاوپەیمانیی چوار حیزبی عەرەبیی ئیسرائیلییە لە کنێست و خاوەنی 15 کورسییە لەکۆی 120 کورسی.







باسنيوز