بڕیار مانگی داهاتوو، پەرلەمانی توركیا كۆبوونەوەی ئاسایی خۆی دەست پێ بكاتەوە، یەكەم كاریش كە دەیكات گۆڕینی یاسای هەڵبژاردن و پارتە سیاسییەكانە، كە لەسەر داوای دەوڵەت باخچەلی سەرۆكی مەهەپە یاسایەكە دەگۆڕدرێت، نووسەرێكیش دەڵێت ئاكەپە و مەهەپە لە هەڵبژاردن دەترسێن، بۆیە یاساكەی دەگۆڕن.

ئیحسان چارەلان نووسەری دیاری رۆژنامەی (ئێڤرەنساڵ)ی توركی، پێی وایە لە دوای هەڵبژاردنی ٧ی حوزەیران لە ٢٠١٥، ئاكەپە و مەهەپە ناتوانن ببنەوە بە زۆرینە، ئەمەش روونە و خۆشیان دەزانن، بۆیە رێگەی فێڵ دەگرنە بەر بۆ ئەوەی ببنەوە بە زۆرینە.

چارەلان دەنووسێت: "ئاكەپە و مەهەپە، یاسای هەڵبژاردن و پارتە سیاسییەكان بۆ بەرژەوەندیی خۆیان دەنووسن، بۆ ئەوەی بتوانن لەسەر كورسیی دەسەڵات بمێننەوە، بۆیە ئەوان دەیانەوێت دەنگی دەنگدەری توركیا بتوێننەوە و بۆ بەرژەوەندیی خۆیان بەكاری بهێنن".

باسی لەوەش كردووە، كە ئاكەپە و مەهەپە ترسی تەواویان لە هەڵبژاردن هەیە، بۆیە تا یاسای هەڵبژاردن نەگۆڕن، ناوێرن بچنە ناو هەڵبژاردنەوە.








باسنیوز