لە بەردەوامی هاوكارییەكانی چین بۆ ئەو وڵاتانەی ئەوروپا كە كۆرۆنا باڵی بەسەردا كێشاوە، جارێکی دیکە فرۆکەیەکی کارگۆی چینی 113 تۆن کەلوپەلی پزیشکی و خۆپارێزی لە ڤایرۆسی كۆرۆنای گەیاندە مەدریدی پایتەختی ئیسپانیا.

تەنیا لە 10 رۆژی رابردوودا حکومەتی ئیسپانیا 253 تۆن دەرمان و پێداویستی خۆپارێزی لە دەرەوە وەرگرتووە.

لە ئیسپانیا نزیکەی 17 ھەزار کەس بە کۆرۆنا گیانیان لەدەستداوە و زیاتر لە 166 ھەزار حاڵەتی تووشبوونیش بە پەتاكە نۆماركراون.

لە سەرەتای بڵاوبوونەوەی ڤایرۆسی کۆرۆنا لە ئیتالیا، ئیسپانیا و ئەڵمانیا یەکێتی ئەوروپا دەرگای هاوكاری بەسەر ئەو ولاتانەدا داخست. چین و روسیا ھاوکاری تەندروستیان بۆ ناردن.










K24