حکوومەتی کۆماری میللیی چین دەرگای قوتابخانەکان لە پەککینی پایتەختی وڵاتەکەیدا دەکاتەوە، کە بەهۆی پەتای کۆرۆناوە داخرابوون.

شارەوانیی شاری پەککین رایگەیاندووە، دەرگای قوتابخانە ناوەندییەکان لە رۆژی 27-4-2020 دەکرێنەوە و دەست دەکرێتەوە بە پرۆسەی خوێندن تێیاندا.

شارەوانیی پەککین هەروەها رایگەیاندووە، لە رۆژی 11-5-2020، دەرگای قوتابخانە ئامادەییەکان دەکرێنەوە.

پەتای کۆرۆنا لە کۆتایی ساڵی رابردوو لە شاری وهان لە چین سەری هەڵدا و تا ئێستا یەک ملیۆن و 793 هەزار و 480 کەس لە سەرانسەری جیهان تووشی بوون و لەو ژمارەیەشدا، 109 هەزار و 958 کەس گیانیان لەدەست داوە.













باسنيوز