شای شانشینی عەرەبیی سعودیە هاتوچۆ لە وڵاتەکەیدا تا کاتێکی نادیار، قەدەغە دەکات.

پێشتر بە فەرمانی شا سەلمان بن عەبدولعەزیز، شای سعودیە و بۆ رێگرتن لە بڵاوبوونەوەی زیاتری پەتای کۆرۆنا، لە رۆژی 23-3-2020ـەوە تا 12-4-2020 هاتوچۆ لە هەموو شارەکانی سعودیە، قەدەغە کرابوو.

بەپێی هەواڵی میدیا سعودییەکان، شا سەلمان بن عەبدولعەزیز بڕیارێکی شاهانەی داوە و تێیدا بە هەمان هۆکار، قەدەغەی هاتوچۆی تا کاتێکی نادیار، داوە.

تا ئێستا چوار هەزار و 33 کەس لە سعودیە تووشی پەتای کۆرۆنا بوون و لەو ژمارەیەشدا، 52 کەس گیانیان لەدەست داوە.





باسنيوز