وەزارەتی بەرگری قەتەر کەوتنەخوارەوەی دو فڕۆکەی جەنگی راگەیاند
وەزارەتی بەرگری ولاتی قەتەر، بەیانی ئەمڕۆ چوارشەممە لە راگەیەندراوێكدا رایگەیاند، "لەكاتی ئەنجامدانی مەشقی سەربازیدا، دو فڕۆكەی جەنگی قەتەر لە ئاسمانی وڵاتەكەدا پێكیانداداوە و لە ئاكامدا كەوتونەتە خوارەوە".
ئاماژە بەوەشكراوە، "لەكاتی رودانی روداوەكەدا هەردو فڕۆكەوانی ناو فڕۆكەكان توانیویانە لە رێگەی بەكارهێنانی پەرەشوتەوە بێنەدەرەوە و ژیانی خۆیان رزگاربكەن".
هاوكات وەزارەتەكە ئامادەنیە لەبارەی شوێنی رودانی روداوەكە و جۆری فڕۆكەكان هیچ رونكردنەوەیەكی زیاتربدات.
خەندان
