وه‌زیری ده‌ره‌وه‌ی ئه‌مه‌ریكا ریكس تیله‌رسۆن وتی، ئه‌مه‌ریكا له‌ داهاتوودا فشاری زیاتر ده‌خاته‌ سه‌ر رێكخراوی داعش و قاعیده‌ و كار بۆ دروستكردنی ناوچه‌یه‌كی جێگیری كاتی ده‌كات بۆ ئه‌وه‌ی یارمه‌تی په‌نابه‌ران و ئاواران بدات، دوای شه‌ڕی ئه‌و دوو رێكخراوه‌ بگه‌ڕێنه‌وه‌ ناوچه‌كانی خۆیان.

وه‌زیری ده‌ره‌وه‌ی ئه‌مه‌ریكا ئه‌م قسانه‌ی له‌به‌رده‌م گه‌وره‌به‌رپرسانی هاوپه‌یمانی نێوده‌وڵه‌تی كرد كه‌ 68 وڵات له‌ خۆی ده‌گرێت و شه‌ڕی داعش له‌ عێراق و سوریا ده‌كه‌ن، به‌ڵام باسی ئه‌و شوێنه‌ی نه‌كرد كه‌ ئه‌مه‌ریكا به‌نیازه‌ ناوچه‌یه‌كی ئارامی لێ دروست بكات.

هه‌ر له‌و كۆبوونه‌وه‌یه‌ تله‌رسۆن وتی، ئه‌مه‌ریكا فشاری زیاتر ده‌خاته‌ سه‌ر رێكخراوی داعش و قاعیده‌، هه‌روه‌ها كاریش بۆ دروستكردنی ناوچه‌یه‌كی جێگیری كاتی ده‌كات، بۆ ئه‌وه‌ی له‌كاتی رێككه‌وتنه‌كانی وه‌ستاندنی شه‌ڕ په‌نابه‌ر و ئاواره‌كان بتوانن بۆ شوێنه‌كانی خۆیان بگه‌ڕێنه‌وه‌.
payamner-