هه‌كان ئاكسۆی نووسه‌ری دیاری رۆژنامه‌ی (ئاكید)ی توركی، كه‌ نزیكه‌ له‌ ئاكپارتییه‌وه‌ پێی وایه‌ سزای له‌سێداره‌دان بڕیارێكی باشه‌ و له‌ زۆر رووه‌وه‌ ئاشتی و دادوەری و ئارامی به‌رهه‌م ده‌هێنێت، بۆیه‌ گرنگه‌ له‌ توركیا به‌سه‌ر كوده‌تاچییه‌كاندا بسه‌پێنرێت.

ئاكسۆی له‌ وتارێكیدا كه‌ له‌ رۆژنامه‌ی (ئاكید) بڵاوی كردووه‌ته‌وه‌، ئاشكرای كردووه‌ ره‌نگه‌ له‌ دوای گشتپرسی بۆ هه‌مواركردنه‌وه‌ی ده‌ستوور، ئیدی ره‌جه‌ب ته‌ییب ئه‌ردۆگان سزای له‌سێداره‌دانیش بخاته‌ گشتپرسییه‌وه‌ و میلله‌ت بڕیار بدات ئه‌و سزایه‌ بگه‌ڕێته‌وه‌ یان نا.

له‌ به‌شێكی دیكه‌ی وتاره‌كه‌یدا پێی وایه‌ بۆیه‌ سزای له‌سێداره‌دان له‌ ئه‌وروپا قه‌ده‌خه‌ كراوه‌ تا له‌ زیندان تیرۆریستان نان بده‌ن و دووباره‌ ئازادیان بكه‌نه‌وه‌ و ره‌وانه‌ی وڵاتانی رۆژهه‌ڵاتی ناوه‌ڕاستی بكه‌نه‌وه‌، به‌ڵام توركیا وه‌كو ئه‌وان نابێت و تیرۆریستان سزا ده‌دات.









باسنيوز