دادگایەکی هەنگاریا ئەو ژنه وێنەگرەی نزیکەی ساڵ و نیوێک لەمەوبەر به شاپ له پەنابەرانی دابوو، به تاوانبار زانی و بۆ ماوەی سێ ساڵ به "چاودێریی رەفتار" سزا درا.



ئەم دادگایە به شێوەیەکی داخراو شەوی رابردوو له شاری "سێگد"ی باشووری هەنگاریا بەڕێوەچوو، "پێترا لازلۆ"ی له "هەوڵ بۆ تێکدان" به تاوانبار زانی بڕیاری دا بۆ ماوەی سێ ساڵ له ژێر چاودێریی رەفتاریدا بێت.



دادگا هەروەها رایگەیاند، هیچ بەڵگەیەکی لەسەر "رەگەزپەرستی" بوونی هەوڵی ئەو ژنە نەدۆزیوەتەوه.



لازلۆ که مانگی ٩ی ساڵی٢٠١٥ دوای بڵاوبوونەوەی وێنەکانی، له کەناڵی N1 دەرکرا، دوای دەرکردنی سزاکەی گوتی، تانه لەم بڕیارەی دادگا دەدات.
PAYAMNER-