رێککەوتننامەیەک لە نێوان رووسیا و تورکیا لە مۆسکۆ واژۆ کرا بۆ دابینکردنی ئاسایش لە کاتی فڕین و روونەدانی ھەر رووداوێکی نەخوازراو لە ئۆپەراسیۆنەکانی سووریا.



بەپێی راگەیەندراوێکی سەرۆکایەتی ئەرکانی سوپای تورکیا، کۆبوونەوەیەک لە نێوان شاندی ھێزەکانی سوپای فێدراسیۆنی رووسیا و تورکیا لە مۆسکۆ بۆ دابینکردنی ئاسایش لە کاتی فڕین و روونەدانی ھەر رووداوێکی نەخوازراو لە ئۆپەراسیۆنەکانی سووریا ئەنجام درا.



لە راگەیەندراوەکەدا ئاماژە بەوە کراوە کە لە ئەنجامی کۆبوونەوەکان ئەمڕۆ رێککەوتننامەیەک لە نێوان شاندنی سەرۆکایەتی ئەرکانی رووسیا و تورکیا دەربارەی سووریا واژۆ کرا.



لە راگەیەندراوەکەدا ھاتووە: "مەبەست لە رێککەوتننامەکە، میکانیزمێک بۆ ھەماھەنگی و پەیوەندی بۆ ئاسایشی فڕینی فڕۆکەکانی جەنگی نێوان رووسیا و تورکیا لەکاتی بۆردومانکردنی پێگەی تیرۆریستان دیاری کراوە".

PAYAMNER-