ئەمڕۆ لە وارشۆ ڕیوڕەسمی بە خاكسپاردنی پڕۆفیسۆر "جـێـرزی پۆمیانۆسكی Jerzy Pomianowski بەڕێوە دەچێت كە یەكێك بوو لە ناسراوترین بیرمەندانی پۆڵۆنیای سەدەی بیستەم، نووسەر و وتارنووس، وەرگێڕ و ڕۆژنامەنوس، براوەی بەناوبانگترین خەڵاتی ئەدەبی و خەڵاتی جیاكەرەوە بووە. ناوبراو 29ی دیسەمبەری 2016 لە تەمەنی 95 ساڵی كۆچی دوایی كردووە.

پڕۆفیسۆر جـێـرزی پۆمیانۆسكی شارەزایەكی ناسراوی سیاسەتی نێودەوڵەتی بوو، دامەزرێنەر و سەرنووسەری گۆڤاری مانگانەی "Nowaja Polsza” بوو كە ناوەندێكی گرنگی دیالۆگی ڕۆشنبیریی پۆڵۆنی و ڕووسیا بووە.

پڕۆفیسۆر پۆمیانۆسكی یەكێك بوو لە شارەزایان لە پرسەكانی كورد. لە ساڵی 1946 لە یەكێتیی سۆڤیەتی جاران دەرفەتی هەبووە چاوی بە بارزانی نەمر بكەوێت و گفتوگۆی لەگەڵ بكات.

لە چەند ساڵی دواییدا بەردەوام بەشداری كردووە لە زۆر كۆنفرانسی زانستی تایبەت بە پرسەكانی كورد و زۆر چالاكیی دیکە كە لەلایەن نووسینگەی نوێنەرایەتیی حكوومەتی هەرێمی كوردستان لە پۆڵۆنیا ڕێك خرابوو، لەوانە ساڵانە جەژنی نەورۆز.













باسنيوز