بەپێی راگەیاندنەكانی ئێران، رۆژی شەممە فەرماندەیەكی پلەباڵای سپای پاسدارانی ئێران بە ناوی غولامعەلی قولیزادە لە شەڕی سووریا كوژرا.



ئێران دەڵێت ئەو فەرماندەیەی سوپای پاسداران، لە فەرماندەكانی شەڕی ھەشت ساڵەی ئێران و عێراق بووە و لە كاتی دەستپێكی شەڕ لە سووریا بۆ بەرگریکردن لە مەزارگەی شیعەكان رەوانەی سووریا كراوە.

وڵاتانی ناوچەكە بە بەردەوامی ئێران بە دەستێوەردانی سەربازی لە سووریا تۆمەتبار دەكەن و ئێرانیش رەتیدەكاتەوە چالاكی سەربازیی لە سووریا ھەبێت.

سەرچاوە فەرمییەکانی ئێران نزیکەی مانگێک لەمەوبەر رایانگەیاند: زیاتر لە ١٠٠٠ پاسداری ئێرانی لە شەڕی سووریادا کوژراون.
payamner-