جەواد کەریمی قودووسی، نوێنەری پەرلەمانی ئێران رایگەیاند: سەردانی قاسم سولەیمانی بۆ شاری حەلەب بە داخوازی بەرپرسانی حکومەی سووریا بووە.



جەواد کەریمی بە ئاژانسی هەواڵی دەستەڵاتی دادوەریی ئێرانی راگەیاند: چونکە قاسم سولەیمانی لەسەر داوای حکومەتی سووریا چووەتە حەلەب، بەرپرسانی ئەمریکایی ناتوانن هیچ هەنگاوێکی یاسایی و سیاسی دژ بە سولەیمانی ئەنجام بدەن.

جۆن کێربی، گوتەبێژی وەزارەتی دەرەوەی ئەمریکا دوو رۆژ لەمەوبەر گوتبووی، سەردانی قاسم سولەیمانی بۆ دەرەوەی ئێران پێشێلکردنی بڕیارنامەی نێودەوڵەتییەکانە.

کەریم قودوسی هەروەها گوتی: بە سەرنجدان پەرەسەندنی ئیسلام لە جیهان، ئینشائەڵڵا رۆژێک دابێت قاسم سولەیمانی لە نیویۆرک و لەندەن بێ ئیزنی ئەمریکاییەکان بێتوبچێت، چونکە ئەو گۆڕانکارییەەە گەورانەی لە ئەمریکا ئەوروپا خەریکن روودەدەن، خەڵکی ئەم وڵاتانەی بەرەو ئیسلام گەڕاندووەتەوە.
payamner-